Минимален пораз за кадетките на ЖРК Вардар во деби дуелот оваа есен

Кадетките на ЖРК Вардар  настапуваат во групата-А,денес во првиот меч на нас оваа есен  бевме  домаќин на Ѓорче Петров. На дуелот во салата „Круме Кепески“ до победа дојде ривалот со минимални 25-26 (14-13).

Гостинот поведе на старот со 0-3, вративме со серија 4-1 и дојдовме до резултатска симетрија (4-4). Бевме во налет и успеавме да се одлепиме на три гола предност, црвено-црните кадетки поведоа со 9-6. Со игра гол за гол ја одржувавме таа предност се до 12-9, во последните минути ривалот успеа да дојде на минимална негатива и на одмор заминавме со наше водство од 14-13.

подобро отворивме во вториот дел и поведовме со 20-17, но ривалот успеа со три врзани гола да изедначи на 20-20. Влеговме во неизвесен финиш, пред самиот крај на мечот беше 24-24, но за жал противникот подобро се снајде во пресудните моменти и победи со 25-26 на оваа кадетска средба.

Кај нас прв стрелец беше Миленковска Леона со дури 9.гола, 5.погодока беа дело на Шехтанска Ангела, а Ива Николова дуелот го заврши со 3.успешни затресувања на противничката мрежа.