Преглед на 24.коло! Вардар на чекор од „среброто“, Спартак ја загрозува Стружанка

Зад нас е  24.коло кое се одигра изминатите два дена во женската ракометна Супер лига. Одиграни се шест дуели од оваа рунда.

Гевгелија беше подобра од Кузман со 25-21, кај победникот Митревска Михаела имаше 8, а Митрова Драгица стрелаше 7.пати. Пелистер во Битола го совлада Овче Поче со пет разлика, односно со резултат 24-19. Лидерот, Куманово немаше тешка задача во Ѓорче Петров, победата ја оствари со 19-40, кај победникот Марковиќ Бранкица  имаше 8 гола, два помалку имаше Боризовска Александра. Металург ја продолжи потерата по вардаровиот тим за 2.позиција, победија во Струга со 21-40, кај сино-белите блесна и беше двоцифрена Тасевска Марија со 10.гола.

Пролетниот хит, Спартак оствари нова победа, на домашен терен го совлада Шампион со 39-28, кај победникот Ана Марија Коларовска имаше 10.гола и стигна до 175.гола оваа сезона, се истакнаа покрај неа уште две екс-вардарки. Грозданоска Ангела погоди 5.пати (97.гола досега), одличен настап по влегување од клупата  имаше Станчева Ивана, таа беше двоцифрена и впиша 12.одбрани.

Вардар гостуваше кај Деспина во Прилеп, домаќинот се држеше се до 4-4, потоа ние тргнавме во налет и на одмор заминавме со предност од 7.гола (16-9), во вториот дел девојките на Ристова и Царчев ја потопија домашната екипа совладувајќи ја со 20.гола повеќе. Во победата 16-36 прв стрелец беше најмалдата Стефаноска Сара со 7.гола, Миновска Сара повторно блесна и погоди 5.пати колку и Трпевска Ивона, по три гола впишаа: Диневска Бојана и Катерина Дамјаноска. Илиќ сопре 7.удари, а Трајкоска Јована одбрани 4.топки за 15.минути од 7 удара кон нејзиниот гол.

На табелата од првата до позицијата број шест се е исто, тимовите остануваат по исти распоред, единствено Спартак се доближи и ја загрозува позицијата на Стружанка.

Ова е распоредот за предпоследното коло во сезоната 2020/2021 година, црвено-црните девојки во оваа рунда се слободни поради непарниот број на екипи во лигата.