ЖРК Вардар врза победи во низа, триумф кај Овче Поле

Нова победа за ЖРК Вардар во плеј-офот, денес црвено-црните девојки триумфираа во Свети Николе кај Овче Поле СУ. Победата дојде со резултат 17-33.

Првиот дел започна со наша доминација на самиот старт, ние влеговме во серија и се одлепиме на шест плус при резултат 1-7. Се беше јасно како ќе се одвива понатака, ја зголемивме додатно предноста и на одмор отидовме со осум гола повеќе, односно со резултат 7-15. Во вториот дел се продолжи исто, домаќинот немаше сили да се спротистави на нашите девојки. Клупата на нашиот тим доби прилика, предноста раснеше и на крајот победивме со 17-33.

Кај нас прв стрелец беше Магдалена Тошевска со 9.гола, а пак капитенот Диневска Бојана постигна 6.погодока.

Кај голманите Илиќ одбрани 9.удара, Ѓорѓиевска сопре 3.топки,а Галачева фати 2.удара.