ЖКК Вардар со убеделива победа над Работнички во последното коло од Супер лигата

Во последното, 6.коло од Супер лигата, ЖКК Вардар дојде до убедлива победа. Девојките на Наков вчера гостуваа во големата сала „Кале“ кај ЖКК Работнички и го совладаа со резултат 60:80.

Првата четвртина најави наша доминација на оваа средба најпрвин поведовме со поените на Петрушевска, Пејковска, Наковска и на крајот Подунавец со високи 0:13. Овој период го добивме со резултат 6:20, до крајот на првото полувреме нашата предност додатно нарасна, на пауза заминавме со 26.поена повеќе (22:48) и најавивме нова сигурна победа.

Во вториот дел имаше иста слика на теренот црвено-црните дами го контолираа напреварот, победата дојде со 20.поена повеќе односно со резултат 80-60.

Вардаров прв стрелец беше Подунавец Ананстасија со 19.поена  и 12.скока,  Пејковска погоди 17.поена по 8.поена впишаа Наков Славица и Јована Петрушевска.