ЖРК Вардар, денес го одигра последниот натпревар од оваа сезона, на домашен терен попладнево бевме домаќини на тимот на ЖРК Чаир. Девојките на Ристова и Царчев дојдоа до победа со резултат 31-28 (15-11).
На почетокот беше изедначено, двата тима имаа неколку резултатски симетрии на семафорот (1-1, 3-3, 4-4, 6-6, 7-7), потоа гостинот се одлепи на 7-9, но нашите девојки со серија 3-1 се вратија на реми, 10-10. Продолживме со серијата, во одбраната бевме подобри, во нападот казнуавме од 7-9 до крајот на првите 30.минути имавме серија, 8-2 со која на одмор заминавме со предност од четири гола, односно со резултат 15-11.
Во вториот дел продолживме со добрата игра, ние бевме тимот кој диктираше темпо и поведовме со седум гола предност ( 22-15) по тој момент се беше јасно околу победникот, ние бевме тим кој доминираше на теренот и кој ја имаше победата во рака. Бевме подобри во двата правца, противникот единствено до крај успеа да намали дел од водството ан црвено-црните дами. Ние го исконтолиравме дуелот и го добивме со резултат 31-28.
Кај нас Галевска Марија, Коцева Борјана и Коцева Бојана имаа по пет гола, гол помалку имаше Стојановска Михаела. Илиќ сопре 9.удари, Трајкоска денес одбрани 3.топки.
Ова беше последен дуел за Ристова Драгана на нашата клупа, покрај неа заминуваат два играчи Катерина Дамјаноска и Марија Николовска.