Vardar Fans
Жрк Вардар со победа започна на турнирот “Хандбал Фиеста“,и тоа токму против актуелниот европски шампион,екипата на Ѓер.Натпреварот помина во целосна доминација и водство на Вардарки, со исклучок на некои моменти кога Ѓер се доближуваше на 2-3 гола разлика.
Во 20 минута со голот на Андреа Лекиќ Вардар има голема предност од 11:4.На голот ја имавме одличната Амандин Лејно,која го бранеше целиот натпревар.Екипата на Ѓер ја прекинува серијата голови на Вардар,па после 8 минути постигнува погодок,дело на Ковачиќ.Првото полувреме заврши со резултата 17:10 со првиот гол на Хмирова.Во првите 30 минути,Кастратовиќ ја ротираше екипата,давајќи им шанса на скоро сите ракометарки кои ги имаше на располагање.На теренот ја видовме и новото засилување ,Руската репрезентативка Олга Черноиваненко,па со нејзиниот погодок ја одржуваме разликата стекната по првиот дел.Во 39 минута резултатот гласеше 21:14.Неколкуте грешки и избрзани напади на црвено-црните им овозможуваат на Ѓер со неколку голови во серија да се приближат на само два гола разлика.Во 47 минута резултатот беше 22:20.Сепак противникот немаше повеќе сили да направи нешто поголемо,со одбраните на Лејно која на крајот имаше 16 одбрани, Вардар успева да се одалечи повторно,и со голот на Ихнева да поведе со 26:23 во 56 мин.Пенезиќ го затвара натпреварот со погодок за конечни 29:24.
Најпрецизни во нашата екипа беа Николиќ со 5 постигнати гола сите од седум метри,Пенезиќ и Дембеле додадоа по 4 гола.
