Кадетската ракометна репрезентација го освои одличното второ место, на турнир во Ц.Гора

Кадетската ракометна репрезентација на турнирот во Црна Гора(Никшиќ) го освои второто место. Оваа селекција предводена од селекторот Јулија Црвенковска одигра четири натпревари на турнирот, каде успеаа да забележи две победи и два нерешени резултати. Беа остварени победи против екипите на Младост(Србија) со резултат 28:6 и тимот на Левалеа(13:12). Одигравме нерешно со клубовите од Ц.Гора, Будуќност и Бар.

Шест ракометарки од клубот Вардар беа дел од составот на нашата репрезентација на овој турнир. Нина Ладева, Леонида Гичевска, Анастасија Николовска, Ива Божиноска, Александра Вељаноска и Моника Георгиевска се дел од ракометарките кои настапуваат во црвено-црниот дрес. Признанието за најдобар играч на турнирот и припадна на нашиот пикер, Јована Владева.

Оваа репрезентација активно се подготвува за предизвикот што им следува, а тоа е Европското првенство до 17 години, што ќе се одржи во Скопје. Нашиот главен град ќе биде домаќин на овој собир, во периодот од 13-23 август.