Friday ,29 March 2024
Последни:
Home > ЖРК Вардар > Жрк Вардар со убедлива победа ја започна одбраната на титулата во првенството(ФОТОГАЛЕРИЈА)
Жрк Вардар со убедлива победа ја започна одбраната на титулата во првенството(ФОТОГАЛЕРИЈА)

Жрк Вардар со убедлива победа ја започна одбраната на титулата во првенството(ФОТОГАЛЕРИЈА)

Избраничките на Индира Кастратовиќ без никакви проблеми,ја совладаа екипата на Жито Прилеп со убедливи 46:11 и ја започнаа одбраната на титулата во женската супер лига.Натпреварот започна со голот на Олга Черноиваненко,а нејзини беа вкупно четири од првите седум гола на Вардарки, и тоа најчесто преку брзи контранапади.Својот прв гол гостинските ракометарки го постигнуваат во 11 минута за резултат од 7:1 во тие моменти.Без речиси никакви напори,црвено-црните го полнеа голот на Жито Прилеп.Пенезиќ го постигнува својот прв гол на мечот за водство од 10:1 во 16 минута.Во следниот напад уште еден погодок за гостите за намалување на 10:2.Головите за Вардарки се редеа како на филмска лента,се менуваа стрелците речиси во секој напад.Првото полувреме завршува со резултат од 19:3.

 

Ништо позначајно не се смени и во второто полувреме,единствената разлика беше во тоа што во секоја минута се зголемуваше водството на црвено-црните.

Индира Кастратовиќ на овој меч им даде поголема минутажа и шанса да се докажат на младите Драгана Петковска која го бранеше цел натпревар и имаше одлична партија,како и Сара Митова и Симона Стојановска.Токму овие три ракометарки имаа забележитална улога во вториот дел.Петковска зад своето име на крај имаше 22 успешни интервенции,Митова постигна 7 гола,а Стојановска 3 погодоци.

Конечниот резултат на мечот гласеше 46:11 во корист на Вардар.На овој дуел не настапија Алисон Пино,Јованка Радичевиќ и Татјана Хмирова.Најефикасни беа Черноиваненко со 12,Алтхаус со 10 и Митова со вкупно 7 постигнати гола.

27.09.2014

Leave a Reply