Најмладите ракометари од генер.2010 и помали следниот викенд ќе го играат Зимскиот турнир

Од 15-18.јануари во Спортскиот центар “Јане Сандански“ се одигра младинскиот ракометен турнир “Еден живот, една љубов„ по што ги дознавме победниците во  машка и женска конкуренција. На турнирот организиран од Академијата на Ракометниот клуб Вардар  во машкиот дел  играа генерација 2008/09, 2006/2007 и 2004/2005, а кај девојките се играше во една генерација,  родени 2006 и 2007 година.

Успешно беше организиран овој сегмент од турнирот, се помина во најдобар ред, се одиграа голем број на мечеви и се добија победниците. По крајот на дуелите покрај за првите три екипи во секоја конкуренција се доделија и поеднечни признанија, најдобар голман, најдобар играч и најдобар стрелец. Останува за одигрување уште дуелите кај најмладите учесници, ракометарите родени 2010 и помали. Истите играат мини-ракомет, 4+1 и ќе играат во мешани тимови ( момци и девојки). Натпреварите се предвидени за идниот викенд.